كلمات ترنيمة جميلة الجميلات مكتوبة
كلمات الترنيمة 🔗
\1. يا ملكة علي القلوب
يا جميلة الجميلات
يا أطيب أم في المحنة
وفي الأزمات
أنا ممتن لوجودك
ومديون لك
بحبك حب يكتبوا
عنه في الروايات
القرار:
(تحية طيبة
وأجمل تحياتي
يا ست الناس
يا أم الله يا مولاتي)2
أنا قررت أكتب لك
يا عدرا جواب
يا أعظم أم في الدنيا
وفي حياتي
\2. يا حضن وباب عمره
ما كان في يوم مقفول
مجرد ما أطلبك تيجي
أوام علي طول
شفيعة حنينة
وقلبك يساع ملايين
رقيقة وطيبة وغالية
وأم بتول
(تحية طيبة
وأجمل تحياتي
يا ست الناس
يا أم الله يا مولاتي)2
أنا قررت أكتب لك
يا عدرا جواب
يا أعظم أم في الدنيا
وفي حياتي
\3. يا قلب سندني وما
سبنيش لوحدي في يوم
يا ايد علي روحي
بتطبطب وتمحي هموم
أنا شاكر لأفضالك
ومش ناسي
في كوم الدنيا دي
وانتي يا أمي في كوم
(تحية طيبة
وأجمل تحياتي
يا ست الناس
يا أم الله يا مولاتي)2
أنا قررت أكتب لك
يا عدرا جواب
يا أعظم أم في الدنيا
وفي حياتي
\4. وفي نهاية جوابي
بعت لك سلامات
يا قصة حب مالهاش
في الحياة نهايات
وسامحيني لو اللي
أنا قلته ما يكفيش
في وصفك صعب ألاقي
حروف وأجيب كلمات
(تحية طيبة
وأجمل تحياتي
يا ست الناس
يا أم الله يا مولاتي)2
أنا قررت أكتب لك
يا عدرا جواب
يا أعظم أم في الدنيا
وفي حياتي