كلمات ترنيمة هيمي يا نفسي - كلمات التراتيل
·
·
155 كلمة
·
1 دقيقة قراءة
كلمات الترنيمة مكتوبة 🔗
(هيمى يا نفسي
واعلى يا روحي
فوق أثقال الجسديات
بصي لفوق
وعنيكي مرفوعة
وأوعى تبكي الأرضيات)2
(روح الله عمال بيشِّدك
ويدَّوقك السماويات
وانتى لتحت
بترثي لحالك
ماسكة ف ذكرىَ
على الطرقات)2القرار:
(طيري يا نفسي، ويَّاكى روحي
حلّقى فوق، فوق السحاب
دى مكتوبالك، أمجاد عالية
تمتلكيها في حِضن الآب)2(دوقي يا نفسي واتلذذى
بالشهد اللى في كلمته مكتوب
وعلى ذوقك واستطعمى
مخصوص علشانك ع المطلوب)2
(ده ناصبلك مايدة سماوية
فيها شبَع وغنى وروحانية
تدوقيها كمان تستحليها
تتطمن روحك عليها)2(أوعى يا نفسي تسيبي رجاءك
أو تنسى إيمانك بالله
في ساعتها ارفعي جناحاتك
يوم ورا يوم واستني لُقاه)2
(منتظروه بيجددوا قوة
ولا يتعبوا م المشي معاه
يركضوا دايماً جرى وراه
زي النسر يطيروا لله)2