كلمات ترنيمة أَصَلِّيلُه
معلومات عن ترنيمة أصليله 🔗
كلمات وأشعار : جوزيف جرجس.
ألحان: جوزيف جرجس، و ريمون ظريف.
ترنيم: فريق قلب داود.
مرنمين آخرين: يوستينا سلامة.
كلمات ترنيمة أصليله 🔗
(اصليله تحير عقلى تدابيره
بيقفل باب ويفتح الف باب غيره)2
يادوب يلمح إيديا امامه مرفوعه
بحب عجيب عليا يفيض جزيل خيره
مبفهمهوش ساعات يمكن وبتذمر
واشوفه بعيد فى وقت الضيق ومتأخر
يقولى اصبر متستعجلش على فرحك
انا بأيدى بجهزلك فرح اكبر
(بيبعت رحمه للسهران فى ليل قاسى
ويبعت نعمة للغفلان وللناسى)2
وبيطبطب على المهموم وبيواسى
ويفتح طاقة للمسجون فى احزانه
حنين واللى داق منه اكيد عارفه
يحوط ع اللى ماشى فى سكته وشايفه
ويصبر ع اللى ماشى بعيد وبيخالفه
ويوفى العهد لو كل البشر خانوا
(أروح عنده احط الحمل واسيبه
وانام مرتاح مانا واثق فى ترتيبه)2
ولا يشغلنى خوف من جاى وليه وازاى
بقول الخير يارب انت اللى هتجيبه
سخيه ايديه وجوه عنيه انا متشال
وفى حضوره بحس بكل راحة بال
ده قال ف وعوده هيعوضنى عن اتعاب
سنين عدت وبكرة هيبقى احسن حال
(بيبعت رحمه للسهران فى ليل قاسى
ويبعت نعمة للغفلان وللناسى)2
وبيطبطب على المهموم وبيواسى
ويفتح طاقة للمسجون فى احزانه
حنين واللى داق منه اكيد عارفه
يحوط ع اللى ماشى فى سكته وشايفه
ويصبر ع اللى ماشى بعيد وبيخالفه
ويوفى العهد لو كل البشر خانوا